اسلام آباد۔24 نومبر(اے پی پی) صدر ډاكټر عارف علوي سره د خپلې كورودانې بېګم ثمينه علوي د كوچنيانو تر ټولو زيات خوښ هاتھي “کاون” کمبوډیا ته د لېږلو دستوره كښې ګډون كړے۔ هغوي په دې اړه دستوره كښې ګډون كولو له د مرغزار چړيا ګھر ته لاړل ۔ په دې موقع صدر مملكت سره د موسمياتي بدلون وزير مملكت زرتاج ګل ٬ د وزيراعظم د موسمياتي بدلون په اړه خاص مرستيال امين اسلم او د ځناورو ساتنې تنظيم فور پاز چارواكي هم موجود وو۔ صدر ته د ځناورو د ساتنې تنظيم فور پالز ډائرېكټر ډاكټر عامر خليل د كاون هاتھي كمبوډيا ته د لېږلو او د هغه د خيال ساتلو په انتظامات بريفنګ وركړو۔ ډاكټر عارف علوي خپلو خبرو كښې ووئيل چيف جسټس اسلام آباد هائي كورټ اطهر من الله اسلامي روايات ته پام لرنې سره د ځناورو د تحفظ او دوي ته د پياوړي چاپېرچل وركولو په اړه غوره او په زړه پورې پرېكړه كړې۔ صدر ووئيل په ماشوموالي كښې د ځناورو بچي خپلو مېندو نه بېل ساتل د هغوي په احساسات منفي اغېز پرېباسي۔ صدر هيله ولرله چې كاون هاتھي به كمبوډيا كښې خپلو نورو ملګرو سره په يوځائې كېدو ډېر خوشحالي شي۔ صدر په دې لړ كښې د موسمياتي بدلون وزارت هڅې وستائلې۔ هغه ووئيل د كلين او ګرين پاكستان ترسېوري لاندې د مارګله هلز نېشنل پارك محفوظولو له ګامونه پورته كړئ۔ هغه د مارګله هلز د ځناورو ساتنې او د اسلام آباد هائي كورټ په پرېكړه د عمل كولو په حقله د مرغزار چړيا ګھر ځناور بل ځائې ته په منتقل كولو د اسلام آباد وائلډ لائف مېنجمنټ بورډ د خذمات ستائنه وكړه۔ دغسې صدر مملکت په ځناورو د ظلم زياتي مخنيوي قانون 1890 په عملي كولو هم زور راوړو۔د 35 كالو نه اسلام آباد كښې د كاون هاتھي غوره خصمانې او قدرتي چاپېرچل لپاره هغه د اسلام آباد هائي كورټ په امر به د كمبوډيا ځنګل ته منتقل كولے شي۔ دا هاتھي كوم چې لويو وړو دواړو ډېر خوښولو په 1985 كښې سري لنكا كښې پیدا شوے ؤ او د سري لنكا حكومت دا د پاكستان صدر ته ډالۍ كړے ؤ ۔ په كال 1990 كښې يو هاتهي د بنګله دېش د ساحل نه راوستلے شوے ؤ كوم چې تر كال 2012 د خپل مرګ تر ورځې كاون سره ملګرے ؤ ۔ اسلام آباد هائی کورټ د روان كال مئي مياشتې په 20 مه نېټه د ټولو ځناورو او په خاص توګه د كاون د ځنګلي ژوند محفوظه مسكن ته د منتقل كولو امر كړے ؤ ۔ د كاون منتقل كېدو نه وروستو به دوه شرمخان د دسمبر په 6 مه نېټه د اردن ځنګلي ژوند مسكن ته منتقل كړے شي او دې سره به د مرغزار چړيا ګھر ټول ځناور نورو ځايونو ته د منتقل كولو كار بشپړ شي
صدر ډاكټر عارف علوي سره د خپلې كورودانې بېګم ثمينه علوي د هاتهي ٬كاون ٬ كمبوډيا ته د لېږلو دستوره كښې ګډون
مضمون کا ماخذ : loteria de Minas Gerais
متعلقہ مضامین
