اسلام آباد 28جولائی (اے پی پی)وزيراعظم عمران خان وئېلي دي د پاكستان د سباؤن د ټولو معاشي تګلارو انحصار افغانستان كښې په امن دے٬د پاكستان اولس افغانان د ګاونډيانو په ځاے خپل وروڼه ګڼي٬د افغان مسئلې حل عسكري نه٬سياسي دے٬د حكومت دې مؤقف ته د عسكري ادارو بشپړه مرسته ترلاسه ده۔د هند د اړخه د پنځم اګست اقدام تر بېرته اخستو او د كشمير خصوصي حېثيت بحالولو پورې هند سره خبرې اترې او په درې اړخيزه افغان امن عمل كښې د هغوي ګډون قبلول ممكن نه دي٬په اوسنو بيانونو كښې د افغان لارښودو د اړخه پاكستان د افغان بحران ذمه وار ګرځول خفګاني فعل دے۔پاكستان اول امريكا او بيا افغان حكومت سره خبرو اترو لپاره طالبان قائل كولو له لويې هلې ځلې كړي٬د منطقې كوم بل هېواد د پاكستان د دغې هلو ځلو د برابرۍ ادعا نشي كولې۔د دې خيالاتو څرګندونه ده د پاك افغان يوته فورم پلاوي سره خبرو كښې وكړه چا چې د شورو په ورځ ده سره ملاقات كولو۔په ملاقات كښې د اطلاعات او خپرونو وفاقي وزير چوهدري٬وزيرمملكت فرخ حبيب٬خاص مرستيال ډاكټر شهباز ګل٬سېنېټر فيصل جاوېد او د اعلٰی چارواكو سره د افغانستان څخه تعلق لرونكو خبريالانو مديرانو٬فلم جوړونكو٬كاروباري شخصيات٬دفاعي تجزيه نګارو ګډون كولو۔د ملاقات مقصد د پاك افغان فورم غړو د پاك افغان اړيكو د پاكستان افغانستان كښې دائمي امن لپاره د پورته كړو ګامونو او د منطقې په مجموعي وضعه د يوته فورم د غړو په پوښتنو د حكومت مؤقف واضحه كول او ځوانان د پاكستان د اړخه افغان امن عمل له د كړو هلو ځلو نه خبرول وو ۔ملاقات كښې وزيراعظم د پاكستان افغانستان يوته فورم د غړو د پوښتنو ځوابونه وركړل۔افغانستان كښې امن عمل كښې د هند او پاكستان همكارۍ په حقله د پوښتنې په ځواب وزيراعظم ووئيل هند په پنځم اګست 2019 د ملګرو ملتونو قراردادونو په خلاف ورزۍ كولو سره په يو اړخيزه توګه نه يوازې د كشمير حېثيت بدل كړے بلكې په كشميريانو ظلم او د بربريت له ئې نوے باب پرانستلے ٬پاكستان د 1948 څخه د كشميريانو حقونو تحفظ لپاره په نړيواله توګه خپل غږ پورته كوي۔تر څو چې هند د پنځم اګست اقدام بېرته وانخلي او د كشمير خاص حېثيت بحال نه كړي د كوم ترمخه چې كشميريان تر څو د ملګرو ملتونو د وركړي حق خود اراديت اظهار ونه كړي تر هغې كشمير يو شخړيزه سيمه ده او دغسې د هند سره خبرې اترې او پاكستان لپاره د هغه په درې اړخيزه امن عمل كښې ګډون تسليمول ممكن نه دي۔وزيراعظم ووئيل ما په اوسنو كښې د افغانستان دوره كړې او د صدر اشرف غني سره ښې اړيكې لرم خو په اوسنو بيانونو كښې افغان لارښودو پاكستان د افغان بحران ذمه وار ګرځولے كومه چې ډېره د افسوس خبره ده ځكه چې پاكستان اول د امريكې او بيا د افغان حكومت سره خبرو اترو لپاره طالبان قائل كولو له سختې هلې ځلې كړي٬د منطقې كوم بل هېواد د پاكستان په دې هلو ځلو كښې د برابرۍ ادعا نه شي كولې د كومو تائيد چې د امريكې خاص استازي زلمے خليل زاد هم كړے۔په افغانستان كښې د لوبو ودې په خاص توګه د كركټ په اړه د پوښتنې په ځواب كښې وزيراعظم ووئيل د كركټ په تاريخ كښې كوم بل هېواد په دومره لږه موده كښې پرمختګ نه دے كړے څومره چې افغانستان كړے۔چرته چې افغان بوبډله اوس ولاړه ده تر دې ځايه رسېدو له نورو هېوادونو 70 كاله مصرف كړي۔ده ووئيل د دې لوي سبب د افغان كډوالو په پاكستان كښې د كډوالو به كېپمونو كښې د كركټ زده كول ؤ كوم چې د ستائنې وړ دے۔پاكستان كښې د سول او عسكري ادارو د افغانستان امن عمل كښې په يوه پاڼه د پوښتنې په ځواب وزيراعظم ووئيل له بده مرغه افغانستان كښې ناسمه تاثر وركړے كېږي چې پاكستان عسكري ادارې كنټرول كوي كومه چې له بده مرغه بيخي د هند كړې ډنډوره ده۔زما د حكومت خارجه پالېسي د تېرو 25 كلونو نه زما د ګوند د منشور برخه پاتې شوې۔زما عمر له دا موقف پاتې شوے چې د افغان مسئلې كوم عسكري حل نشته۔دا په سياسي ډول ممكن دے۔د تېرو پنځلسو كلونو نه د ګوند مشر په حېث او د تېرو دريو كلونو نه په حكومت كښې په دې موقف قائم يم او دې موقف ته د عسكري ادارو بشپړه مرسته ترلاسه ده۔پاكستان عمر له هند سره د امن خوښي لري خو هند امن نه غواړي ځكه چې هغه دا وخت د آر اېس اېس نظريې په تسلط كښې دے كوم چې نه يوازې په كشمير كښې بلكې په هند كښې د نورو مسلمانانو او مذهبونو منونكو اقليتونو سره بد سلوك ساتي او هم دا محركات هند سره په اړيكو كښې لوي خنډ دے۔وزيراعظم ووئېل پاكستان په نړۍ كښې د كوم هم بل هېواد نه زيات امن غواړي ځكه كه په افغانستان كښې امن وي نو پاكستان به تر مينځنۍ آسيا هېوادونو رسنه ترلاسه كړي۔مونږ د وړاندې نه د ازبكستان سره د مزار شريف٬پېښور رېلوے لائن لپاره لوظ نامه كړې كوم به چې د افغانستان د لارې پاكستان ته رارسي۔ د پاكستان د سباؤن د ټولو معاشي تګلارو انحصار افغانستان كښې په امن دے٬د پاكستان اولس افغانان د ګاونډيانو په ځاے خپل وروڼه ګڼي
د پاكستان د سباؤن د ټولو معاشي تګلارو انحصار افغانستان كښې په امن دے٬د پاكستان اولس افغانان د ګاونډيانو په ځاے خپل وروڼه ګڼي۔وزيراعظم عمران خان
مضمون کا ماخذ : loterias da caixa
متعلقہ مضامین
