لاهور۔16فروری(اے پی پی) د وزیراعظم خصوصي مرستيال ډاكټر شهباز ګل وئيلي دي د احتساب عمل په پېل كېدو ټول بد عنوان يو ځائې شوي دي٬ په راتلونكو ورځو كښې به اپوزيشن نورو پرېشانو سره مخ شي٬ چوهدری مونس الهی په زړه پورې سياست كړې ، كه د پټرولیم مصنوعاتو قيمتونه مو نه زياتول نو بيا به قرضه اخستل وو۔ د دې خيالاتو څرګندونه ده د شورؤ په ورځ ميډيا سره خبرو كښې وكړه۔ ډاكټر شهباز ګل ووئيل په شهباز شريف او حمزه شهباز شريف فرد جرم لګېدونكې دې، د مریم نواز او شهباز شریف ترمينځه مسئله روانه ده ٬ پیپلز ګوند او نون ليګ اوس هم يو ځائې دي ٬ كله چې د دوئي په ضد كارروائي كېږي نو دا ټول غله يو ځائې شي٬ دوئي ته معلومه ده چې په اتفاق كښې بركت دے۔ هغه ووئيل شهباز شریف كله اسلام آباد ته كله زمونږ د اتحاديانو كورونو ته ځي۔ هغه ووئيل چوهدری مونس الهی د پوهې ثبوت وركولو سره د ده ناپاكه ارادې ناكامه كړې۔ خصوصي مرستيال ووئيل د شهباز شريف او حمزه شهباز مننه كومه چې هغوي چپړاسيان ارب پتي جوړ كړل۔ د 9 زره روپو تنخا اخستونكي مقصود چپړاسي د اكاؤنټس نه 4 اربه روپۍ راوتلې دي۔ د مسرور انور اکائونټس نه پېسې ايستلو سره شهباز كورودانې ته كور وركړو۔ دې خلكو ته بايد تمغه لوټ مار وركړې شي۔ د لوټ كړې شوي دولت حوالې سره د يوې پوښتنې په ځواب كښې شهباز ګل ووئيل نېب 550 اربه روپۍ ريكور كړې دي كومو څخه چې 400 اربه روپۍ مصرف كولو سره اولس ته هېلتھ كارډ وركوؤ۔ د پټروليم مصنوعاتو قيمتونو په اړه ډاكټر شهباز ګل ووئيل د پټرولیم مصنوعاتو په قيمتونو كښې مو اضافه په نړيواله منډۍ كښې د زيات شويو قيمتونو له امله كړې په كومه چې حكومت خوشحاله نه دې ٬ كه قيمتونه مو نه زياتول نو قرض به مو اخستلو۔ هغه ووئيل وزیراعظم عمران خان اولس ته ريليف وركول غواړو ولې كله چې په نړيواله منډۍ كښې پټرول ګران شي نو حكومت به څه كوي۔ هغه ووئيل تر راروانو دوه مياشتو به د يوكرېن او روسيه ترمينځه د شخړې هواري نه وروستو په نړيواله منډۍ كښې د پټروليم قيمتونه كم شي نو پاكستان كښې به هم د دې كمي مېوې اولس ته وركړې شي۔ هغه كے پي كے كښې د بلدياتي ټاكنو په اړه د يوې پوښتنې په ځواب كښې ووئيل په اولني پړاؤ كښې د ټكټ په وېش كښې غلطۍ وشوې د كوم چې زيان شوې، اوس ستراتيجي بدلولو سره پي ټي آئي خپل اولني پوزيشن ته راغلې ده۔ د جهانګیر ترین په اړه د يوې پوښتنې په ځواب كښې هغه ووئيل حکومت او د هغې ټول اتحاديان په يو پېج دي ٬ حكومت به خپله آئيني موده ترسره كوي۔
د احتساب عمل پېل كېدو سره ټول بد عنوان يو ځائې شوي دي٬ لوټ كړې شوې دولت بېرته اخلو او هېلتھ كارډ وركوؤ٬ نوره ريكوري كولو سره به اولس ته نورې آسانۍ وركړې شي۔ ډاكټر شهباز ګل
مضمون کا ماخذ : ڈریگن کی قسمت
متعلقہ مضامین
