اسلام آباد ، 31 اکتوبر (اے پی پی) د اطلاعاتو او خپرونو وفاقي وزير سېنېټر شبلي فراز وئیلي دي چې سیاسي بدمعاشانو ته به اجازه ورنکړې شي چې د هېواد عکس خراب کړي او په دې لړ کښې به هیڅ ډول نرمي ونه ښودلې شي. دا هغه خلك دي كومو چې سياست د ذاتي ګټو محور ګرځولے دے۔ اوس به د ذاتي ګټو په ځائې په قومي ګټو سياست كولې شي۔ د پي ډي اېم مشرانو بيانيه د هېواد په ګټه نه ده۔ هند په پاكستان بريد وكړو نو نه يوازې دا چې پاكستان هند ته ماتې وركړه بلكې ددې ثبوت ئې د ابھي نندن په شكل كښې ګردې نړۍ ته وړاندې كړو۔ قانون ته د وړاندې كېدو او د خپلو اثاثو په ډاګه كولو په ځائې دوئي انقلابي جوړېږي۔ هغه ووئيل اياز صادق د اسمبلۍ په فلور دروغ ووئيل او د هند د پرېوتے مورال پورته كولو هڅه ئې وكړه۔ قانوني ډله ددې جاج اخلي۔ د خالي په ورځ خبري كنفرنس ته خطاب كښې وفاقي وزير ووئيل كله چې موجوده حكومت ذمه وارۍ ترلاسه كړې پاكستان دېواليه كېدو ته نزدې وو۔ وزیراعظم عمران خان د ملګرو هېوادونو مرستې سره هېواد ديواليه كېدو نه بچ كړو۔ وزیراعظم عمران خان د هېواد معيشت مستحكم كړو۔ د حسابات جاريه خساره ئې 20 اربه ډالرو څخه كمولو سره مثبت كړه۔ د قرضونو نظام ئې غوره كړو۔ د كورونا وائرس وبا په مهال حكومت معيشت روان وساتلو دغسې چې انساني ځانونه او معيشت دواړه بچ كړے شي۔ د پاكستان سټاك ماركيټ تندۍ سره پرمختګ كوي۔ د روزګار موقعې زياتولو له په منظم ډول كار كولې شي۔ د هاؤسنګ په څانګه كښې پروګرام پېل كړے شوے دے چې ورسره به كم آمدن لرونكي په مياشتنيزو قسطونو د خپل كور جوړولو جوګه شي۔ وفاقي وزير ووئيل د پاكستان عدم استحكام سره د مخ كولو هڅې كال 2016 كښې ډان ليكس نه پېل شوې۔ په كال 2017 كښې’مجھے کیوں نکالا‘ رامخې ته شو۔ كال 2018 كښې ټول ټاكنو كښې دغه قوتونو ته ماتې وشوه۔ دې نه وروستو په اے پي سي كښې سخته لهجه خپله كړې شوه۔ د ګوجرانوالې اولسي غونډه وشوه۔ ٬ كراچۍ كښې د قائد د مزار سپكاوې وشو۔ د كوئټې په اولسي غونډه كښې د آزاد بلوچستان نعرې پورته كړې شوې۔ دې نه وروسته اياز صادق اسمبلۍ كښې داسې تقرير وكړو چې ورسره نه يوازې پاكستان كښی يو نوې بحث پیل شو بلكې په دې سخت اولسي رد عمل هم راغلو۔ سېنېټ كښې د مولانا عطاﺀ الرحمن تقرير هېواد د عدم استحكام پلو د بوتللو بيانيې تسلسل دے۔ د دغې بيانې د پي ډي اېم لارښودو ترديد ونكړو چې ورسره ثابت شوه چې دا د پي ډي اېم بيانيه ده۔ افسوس دے چې دوئي په دې پېښمانه نه دي۔ آياز صادق خپل بيان سره زمونږ د مېړني فضائي او زمكيز ځواك فتح ماتې خوړولو كښې د بدلولو هڅه كړې ده۔ هندي ميډيا دا بيان پرله پسې كاروي۔ وفاقی وزیر ووئيل د پاكستان بنياد په يوه نظريه اېښودلې شوې دې۔ قرارداد مقاصد كښې ښكاره ليكلي شوي دي چې پاكستان اسلامي هېواد دے او ددې تشخص اسلامي دے۔ تش د نامې لبرلز دا بيانيه د خپل مفهوم نه لرې وړاندې كوي۔ وفاقي وزير ووئيل وزیراعظم عمران خان نړۍ ته په مدلل ډول د اسلامي فوبيا او د سپكاوي خاكو مسئله وړاندې كړه۔ وزیراعظم د اسلامي هېوادونو مشرانو ته خطونه وليكل چې ددې لړۍ مخنيوي له دې تګلاره وضعه كړې شي۔ هغه ووئيل اپوزيشن ته احمد فراز او حبيب جالب په نظر راځي۔ كله چې احمد فراز ژوندے وو نو تاسو هغه سره څه وكړل۔ احمد فراز كله هم ماته د كرپټ خلكو د ملګرتيا كولو وئيلې نه دي۔ هغه ووئيل مسلم لیګ (ن) بايد اوس مسلم لیګ پاکستان جوړ شي۔ آج جنرل(ر) عبدالقادر استعفی وركړې ده ٬ پاتې هوش لرونكي وګړي هم مونږ سره رابطې كوي۔ دوئي ته وايم تاسو مسلم ليګ پاكستان جوړ كړۍ۔ هغه ووئيل دوئي نن د ګلګت بلتستان د جنت جوړولو دعوی كوي زه د ګلګت بلتستان اولس ته وايم تاسو د كراچۍ او سندھ حالت ته وګورۍ چې څنګه ئې دوزخ جوړ كړے دے۔ د يوې پوښتنې په ځواب كښې وفاقي وزير ووئيل نوازشریف په خپل دور كښې وئيلي وو هند سره بايد كاروبار وكړے شي پاتې چارې به وروسته سمې شي۔ دا خلك ذاتي كاروبار لپاره خارجه پالېسي جوړوي۔ د يوې بلې پوښتنې په ځواب كښې وفاقي وزير ووئيل په 40 كلونو كښې دې خلكو ادارې تباه كړې۔ د نواز شريف په دور كښې ججان واخستلې شول او د پوځ سرلښكر ته د ګاډي چابيانې وړاندې كړې شوې۔ هغه ووئيل حكومت په ګرانۍ قابو موندلو له ګامونه پورته كوي۔ وزیراعظم ګرانۍ كښې كمې خپله ترجيح ګرځولې ده۔ هغه ووئيل په پي ډي اېم بندېز زمونږ پالېسي نه ده۔ بياهم د دوئي بيانيه سمه نه ده۔ اوس مونږ شعور او تدبير لرونكي يؤ اولس بايد دوئي نه په مسافت پاتې شي او دداسې تحريك برخه دې نه جوړېږي كوم چې په ذاتي ګټو اډانه لري۔ وفاقي وزير تركيه كښې د زلزلې د لاسه په شوي زيان دافسوس څرګندونه كولو سره ووئيل د مصبيت په وخت مونږ ترك وروڼو سره يؤ۔ د تركيه په ډول ملګري ډېر كم وي۔
سیاسي بدمعاشانو ته به د هېواد عكس خرابولو اجازه ورنكړې شي۔ وفاقي وزير شبلي فراز
مضمون کا ماخذ : آن لائن لاٹری
متعلقہ مضامین
