چكدره 19مارچ (اے پي پي)وزيراعظم عمران خان وئېلي دي د هېواد په ديواليه كېدو ګراني راځي او د روپۍ قدر كمېږي٬د دوست هېوادونو په مرسته ديواليه كېدو څخه بچ شوي يو٬په تېرو 30 كلونو كښې د هېواد پيسه غلا شوې٬مسلم ليګ(ن)پخپلو وړومبو دوه نيمو كلونو كښې د قرض د سود په لړ كښې درې زره اربه روپۍ او مونږ 6.2 ټريلين روپۍ وركړي٬مسلم ليګ(ن)د سود سره 20 زره ارب روپۍ د پور ستنولو په لړ كښې وركړي او مونږ 35 زره اربه روپۍ وركړي۔د سندھ حكومت بنډل آئي لينډ جزيره كښې د سرمايه كارۍ اجازه نه راكوي٬د سختو حالاتو څخه رابهر شوي يو٬د سېلګرۍ څانګه به پرمختګ كوي او د روزګار موقعې به زياتې شي۔ټېكنالوجي او فني تعليم زيات اهميت لري٬داسې منصوبې راوړو چې ورسره د هېواد دولت زيات شي ٬ كوم هم هېواد د صنعتي څانګې ودې نه غېر پرمختګ نه شي كولے۔د دې خيالاتو څرګندونه ده د جمعې په ورځ مالاكنډ پوهنتون كښې د نوي بلاك پرانستې دستورې ته وېنا كښې وكړه۔وزيراعظم ووئيل د ټولې نړۍ پوهنتونونه مې ليدلي ٬نمل پوهنتون به د پاكستان اوكسفرډ پوهنتون جوړېږي۔القادر پوهنتون به هم ستمبر كښې بشپړ شي٬ډ نړۍ لوئي لوئي سكالران به د دې په بورډ كښې شامل وي ٬ هڅه كوو چې قام له يو داسې لوستې قيادت وركړو چې معلومه شي چې نړۍ ته زمونږ د راتللو مقصد څه دے۔ده ووئيل انسان اشراف المخلوقات دے٬انسان له به نړۍ ته د راتللو لپاره خپل مقصد نه ځان خبرول وي ٬ يواځي خپل ځان لپاره ژوند تيرول اصل مقصد نه دے، په روپو كښې خوشحالي نشته، خوشحالي په دې ترلاسه كيږي كله چې انسان په سمه لاره روان وي۔ده ووئيل پاکستان كښې ښه ډير شته مند كسان شته ٬ هغوي د دې نه خبر نه دي چې څومره دولت لري،تر 30 كلونو د هېواد پيسه غلا شوې، د داسې روپو څه ګټه كله چې انسان پخپله هم دروغ وائي او اولاد ئې هم دروغ وائي ،كله روغتون ته ځي او كله زندان ته ځي،زمونږ لپاره د عبرت مقام دے۔ ده ووئېل مسلمانانو د نړۍ لويو قوتونو له د خپل كردار په سبب ماتې وركړې ؤه۔ ده ووئيل د پاکستان جوړيدو دا مقصد نه ؤ چې شريف او زرداري به مالداره كيږي۔ وزيراعظم ووئيل ټېکنالوجي او تکنيکي تعليم لوي اهميت لري، ځوانانو له تکنيکي تعليم په وركولو د روزګار موقعې رامخې ته كيږي ، نړۍ كښې د ټيكنالوجۍ په څانګه كښې انقلاب رامخي ته كيږي ۔ده ووئېل پاکستان كښې د بې روزګاره ځوانانو شميره زياته ده، روزګار وركولو له فني تعليم او نالج اکانومي ته اړتيا ده، تير وخت كښې ټيكنالوجي او اعليٰ تعليم ته پام لرنه نه ده شوې چې له امله ئې مونږ شاته پاتي شوي يو۔ ده ووئيل پوهنتون د تعليم په ټولنه لوي اثر پريباسي، لوستې ټولنه قامونو له پرمختګ وركوي،مونږ د سختو حالاتو څخه رابهر شوي يو، وړومبے كال مو د معيشت مستحکمولو له كار كړے۔ ده ووئيل كله چې مونږ حکومت تر لاسه كړو نو هېواد معاشي ستونزو سره مخ ؤ او د پور قسطونه وركولو له روپۍ نه وي، زمونږ دوست هېوادونو مرسته كړې او مونږ د ديواليه كيدو څخه بچ شوي يو۔ كه هېواد ديواليه شوے ؤ نو ګراني به زياته شوي وه او د روپۍ قدر به كم شوے ؤ ۔ وزيراعظم ووئېل د 2018ء اول نه تر اوسه د ډالر بيعه 107 روپو نه 155 بيا 160 ته رسيدلي، د روپۍ قدر کميدو سره برېښنا ، ټرانسپورټ، تيل، دالونه او د غوړو پشمول څيزونه ګران شوي كوم چې مونږ درآمد کوو۔ وزيراعظم ووئيل د پور پیټے به هله لر شي چې آمدن زيات شي، مونږ داسې منصوبې لګوو چې ورسره د هېواد دولت زيات شي ، لاهور كښې راوي سټي منصوبې سره به په اربونو روپۍ آمدن تر لاسه شي۔ ده ووئېل نجي څانګه دې په دې كښې سرمايه كاري وكړي، کراچۍ كښې بنډل آئي لينډ منصوبه كښې لويو لويو سرمايه كارو سرمايه كاري كول غوښتل خو د سندھ حكومت اجازه ورنه كړه۔ غير ملکي زرمبادله راتللو سره به د روپۍ قدر مستحکم شي۔ لاهور كښې سنټرل بزنس ډسټرکټ منصوبه بشپړيږي، دې سره به 6 زره اربه روپۍ آمدن تر لاسه شي ، 50 كاله پس هېواد كښې ديامر بھاشا او مومند بندونه جوړيږي، دې سره به فصلونو لپاره اوبه ترلاسه شياو زرعي پيداوار به زيات شي۔ده ووئيل ډيرہ اسماعيل خان كښې به درې لكهه ايكړه للمه خړوب شي ، د هېواد په تاريخ كښې په وړومبي ځل هاؤسنګ او تعميرات څانګي ته اهميت وركړے شوے، په كم لګښت ښه كورونه جوړوو او خصوصي مراعات وركړے كيږي۔ ده ووئېل تعميراتي څانګي سره 30 نور صنعتونه تعلق لري چې ورسره به د آمدن سره سره د روزګار موقعې راپېدا شي۔ ده ووئيل يواځي د سيلګرۍ څانګه پاكستان له پرمختګ وركولې شي او زمونږ د زر مبادله د کمي غوندې مسئلې به ورسره حل شي، هېواد كښې سيلګرۍ لوي پرمختګ كړے، د کورونا وائرس وبا باوجود سيلګري زياته شوې۔ ده ووئيل كه د سيلګرۍ څانګي پرمختګ وكړو نو دې سره به د روزګار موقعې زياتي شي۔ وزيراعظم ووئيل پاکستان ته سيلګرۍ څخه دوه درې مليونه ډالره آمدن نه تر لاسه كيږي دغسې ملائيشيا يواځي د سيلګرۍ څخه 20 اربه ډالره آمدن ترلاسه كوي۔ ده ووئيل زمونږ شمالي سيمي د سيلګرۍ په لحاظ سره سوئټزرلينډ څخه زياتي ښكلي دي۔ شمالي سيمو كښې د سکينګ څخه زيات آمدن ترلاسه كېدے شي۔ وزيراعظم ووئيل كوم هم هېواد صنعتي څانګي ته پرمختګ وركولو نه غير پرمختګ نه شي كولے، يواځي د پومبې په كر او د آم په برآمد هېواد پرمختګ نه كوي، صنعتي هلو ځلو ته به وده وركول وي۔ده ووئيل پرمختګ لپاره به مونږ له نوي سوچ كول وي، د زراعت څانګې له نوے سوچ راوړو، زرعي پيداوار زياتولو لپاره جديد ټيکنالوجي استعمالو ته اړتيا ده۔د كال 3 اربه ډالره خوردني تيل درآمد کيږي، زيتون نالولو سره مونږ دغه برآمد کولے هم شوو ، زيتون نالولو سره به د خوراكې تيلو پيداوار زيات شي۔ده ووئيل ايواکارډو تر ټولو ګرانه سبزي ده، د دې كرلو ته هم وده وركړې كيدې شي۔دغسې د زرعي څانګي پرمختګ له به راروانه اوونۍ نوې پاليسي رامخې ته كړو
په تېرو 30 كلونو كښې د هېواد پيسه غلا شوې٬د سود سره د پور ستنولو په لړ كښې 35 زره اربه روپۍ وركړي شوي٬د كركيلې پرمختګ لپاره به په راتلونكې اوونۍ كښې پالېسي رامخې ته كړو٬ د وزيراعظم عمران خان د مالاكنډ پوهنتون نوي بلاك پرانستې دستورې ته وېنا
مضمون کا ماخذ : لوٹومینیا کے نتیجے میں پچھلے حصے
متعلقہ مضامین
