اسلام آباد 22 دسمبر(اے پي پي) د موسمياتي بدلون دوهمې وزيرې زرتاج ګل وئيلي دي چې د موسمياتي بدلون وزارت ګرين انټرپرېنيورشپ پروګرام پېل كړے چې له مخې به ئې د زرګونو په شمېر مېرمنو او خواجه سرا تربيه وركولې شي چې دغسې هغوي ماحول دوست شاپنګ بېګز تيارولو سره په خپل امدن كښې زړه راكښونكې اضافه وكړې شي، د سېلابي اوبو تحفظ لپاره د موسمياتي بدلون وزارت په ريچارج پاكستان پروژه كار پېل كړے، د دې پروژې له مخې به په خاص توګه په سندھ او بلوچستان كښې په موزون ځايونو لوي تالابونه جوړولې شي چې ورسره به نه يوازې په زمكه كښې لاندې د اوبو كچه په لوړېدو كښې مرسته وشي بلكې د فصلونو كروندې لپاره به اوبه هم پېدا شي. هغې دا خبرې د اے پي پي هېډكوارټرز دورې كولو په مهال د پېنل انټرويو په مهال وكړې. زرتاج ګل ووئيل چې زمونږ وزارت په اولس كښې د موسمياتي بدلون په اړه خبرتيا سره سره د روزګار موقعې هم وركوي او دې مقصد لپاره د موسمياتي بدلون وزارت ګرين انټرپرېنيورشپ پروګرام پېل كړے چې له مخې به ئې د زرګونو په شمېر مېرمنو او خواجه سرا تربيه وركولې شي چې دغسې هغوي ماحول دوست شاپنګ بېګز تيارولو سره په خپل امدن كښې زړه راكښونكې اضافه وكړې شي. هغې ووئيل چې هاٶسنګ سوسائټيز به د دې خبرې پابند كوو چې هغه پاركس لپاره بېل كړے شوے ځائ كوم بل مقصد لپاره استعمال نه كړي. هغې ووئيل چې د پاكستان تحريك انصاف حكومت اقتدار ته د راتللو نه پس تر ټولو زيات پام د فرق نه بغېر احتساب، په ماحولياتي الودګۍ قابو موندلو او د اولس د ژوند معيار لوړولو لپاره احساس پروګرام ته كړې. هغې ووئيل چې حكومت په ګرانې قابو موندلو لپاره بېړني اقدامات كوي. زرتاج ګل ووئيل چې ، د سېلابي اوبو تحفظ لپاره د موسمياتي بدلون وزارت په ريچارج پاكستان پروژه كار پېل كړے، د دې پروژې له مخې به په خاص توګه په سندھ او بلوچستان كښې په موزون ځايونو لوي تالابونه جوړولې شي چې ورسره به نه يوازې په زمكه كښې لاندې د اوبو كچه په لوړېدو كښې مرسته وشي بلكې د فصلونو كروندې لپاره به اوبه هم پېدا شي. وزيراعظم عمران خان د دې پروژې سمري منظوره كړې. دې پروژې لپاره په پاكستان كښې د اروپائي اېتلاف سفير سره هم خبره شوې او هغه د پروژې ستائنه كړې او د هر ډول ممكنه مرستې باور ئې وركړې. د دې نه علاوه ګلوبل كلائمېټ فنډ به هم په دې لړ كښې مالي مرسته كوي. هغې ووئيل چې پاكستان د موسمياتي بدلون نه په زيات آغېزمن شويو 10 هېوادونو كښې شامل دے او د بي بي سي راپور له مخې زمونږ د هېواد 60 فيصده اولس د موسمياتي بدلون د منفي آغېز نه لاعلم دے. هغې ووئيل چې خښتو بټې په زېګ زېګ ټېكنالوجي بدلولې شي او دې سره د بټې په الودګي كښې 80 فيصده كمې راشي. هغې ووئيل چې په ډېره غازي خان ډويژن كښې به د سېلاب اوبه ذخيره كولو او برېښنا پېدا كولو لپاره درې وړوكي بندونه جوړولې شي.
د موسمياتي بدلون وزارت ګرين انټرپرېنيورشپ پروګرام پېل كړے. زرتاج ګل
مضمون کا ماخذ : بک آف ڈیڈ
متعلقہ مضامین
