اسلام آباد 05 مئي (اے پي پي) وزيراعظم عمران خان وئيلي دي چې سمندر پورې پاكستانيان زمونږ قيمتي اثاثه دي، د سفارتخانو لخوا پاكستاني وګړو سره د نوآبادياتي دور پشان رويه د قبلولو وړ نه ده، مونږ خپل وګړي لاوارث نه شو پرېښودلے، د سمندر پورې پاكستانيانو د ترسيلات زر رالېږلو پاكستان د ديواليه كېدو څخه محفوظ پاتے شوے. ده دا خبرې د شورو په ورځ په ټوله نړۍ كښې د پاكستان سفيړانو ته د وېډيو لنك خطاب په مهال وكړې. وزيراعظم عمران خان ووئيل چې سمندر پورې پاكستانيان زمونږ تر ټولو لوي اثاثه ده، د دوي په ترسيلات زر رالېږلو د پاكستان معاشي نظام روان دے او د ترسيلات زر په نتيجه كښې پاكستان د ديواليه كېدو څخه محفوظ پاتے شوے. ده ووئيل چې په بهرنيو هېوادونو كښې خواري كښ پاكستاني وګړو سره د نوآبادياتي دور پشان رويه ساتلې شي كومه چې په يو صورت هم د قبلولو وړ نه ده. ده ووئيل چې په سعودي كښې د پاكستان په سفارت كښې څه د پرېشانې صورتحال رامخې ته شوے و او په دغه لړ كښې فيډ بېك پرېشان كوونكې وو. په پاكستان سېټيزن پورټل هم د سفارت په ضد ډېرې ګېلې راغلي وې. ده ووئيل چې د پاكستان سفارتخانې چې څنګه روانې دي، داسې نورې نه شي چلېدې. ده ووئيل چې د سفارتخانو چې څنګه رويې دي داسې خو د انګرېزانو نوآبادكاري چلېدې شي ، د پاكستان نظام داسې نه شي چلېدې. هغه ورځې تلي كله به چې په لندن كښې يو پاكستانې سفير انګرېزانو سره په ليدنه كتنه خوشحاله كېدو. نه خو دوي هېواد ته د سرمايه كارې راوړلو هڅه كړې او نه ئې د خپلو وګړو خدمت كړے. وزيراعظم ووئيل چې د هند سفارتخانې هېواد ته بهرنې سرمايه كاري راوړلو لپاره ډېرې فعاله دي. وزيراعظم ووئيل چې زه په بهرنيو هېوادونو كښې د پاكستان د سفارتخانو تجربه لرم. سفارتي عمله خواري كښ طبقې سره ډېره نامناسبه رويه لري كه هر څو دوي په ډېر سختو حالاتو كښې دوولس دوولس ساعته كار كوي. د پاكستاني سفارتخانو د لارې خپلو وګړو ته 17 مختلف خدمات وركولې شي. په سېټيزن پورټل د غېر ضروري تاخير او سفارتي عملې د نشتوالي ګېلې راغلي دي. په سعودي او متحده عرب امارات كښې د پاكستان سفارتخانو په ضد زيات شكاياتونه راځي. د دې دواړو هېوادونو نه پاكستان ته زيات ترسيلات زر راځي. وزيراعظم ووئيل چې په كوېت كښې د پاكستان په سفارت كښې د نادرا عملې لخوا د 250 درهم رشوت اخستلو شكايت راغلے. په دې شكايت سفير كومه كارروائي نه ده كړې. د حېرانتيا خبره ده چې په سفارت كښې دننه فراډ كېږي خو سفير كومه كارروائي نه كوي. ده ووئيل چې سفارت خانې دې خپله كاركردګي او وګړو سره رويه سمه كړي، سفارت خانې دې د پاكستاني بنديانو لپاره د وكيل او قانوني چارو انتظام وكړي. سفارت خانو سره هر ډول مرستې كولو ته چمتو يو.
سمندر پورې پاكستانيان زمونږ قيمتي اثاثه دي، د سفارتخانو لخوا پاكستانو وګړو سره د نوآبادياتي دور پشان رويه د قبلولو وړ نه ده، مونږ خپل وګړي لاوارث نه شو پرېښودلے. د وزيراعظم عمران خان په ټوله نړۍ كښې د پاكستان سفيرانو ته وېډيو لنك خطاب
مضمون کا ماخذ : تعداد بہت زیادہ ہے۔
متعلقہ مضامین
