اسلام آباد 29 اګست (اے پي پي) صدر مملکت آصف علي زرداري د پېرس اولمپکس 2024 په جيولن تھرو كښې د غوره کارکردګي په اعتراف كښې اولمپک ګولډ ميډل ترلاسه كونكي ارشد نديم له هلال امتياز اعزاز وركړو، ده ارشد نديم لپاره د خپل طرف نه د لس كروړه روپو اعلان هم وكړو٬ صدر مملکت اولمپک ګولډ ميډلسټ ارشد نديم ته د زيارت په ورځ په ايوان صدر كښې د ساده دستورې په مهال هلالِ امتياز ايوارډ وركرو ۔ په دستوره كښې د سېنېټ چيئرمېن سيد يوسف رضا ګېلاني، وفاقي وزيرانو، پارلماني غړو، غېر ملکي سفيرانو، بېلا بېلو لوبو سره تړون لرونكو لوبغاړو، پخوانيو اولمپيئنز او آفيشلز او سول و عسکري چارواكو ګډون وكړو ۔ د دې نه وروستو صدر مملکت آصف علي زرداري سره ارشد نديم ملاقات هم وكړو۔ په دې موقع د ارشد نديم کوچ سلمان اقبال بټ، د بېن الصوبائي رابطو وزارت سيکرټري نديم ارشاد کياني، د پاکستان سپورټس بورډ ډائريکټر جنرل محمد ياسر پيرزاده او نور سركاري چارواكي هم موجود وو۔ صدر مملکت ووئيل ارشد نديم په اولمپک كښې په رېكارډ جوړولو د هېواد نامه په وياړ روښانه كړې، ده د ارشد نديم د لوېي کاميابۍ، پرله پسې محنت او د مينې ستائنه وكړه۔ ارشد نديم له مباركي وركولو سره صدر آصف علي زرداري ووئيل ارشد نديم د 92.97 ميټر په تھرو كولو اولمپك ريکارډ جوړولو سره د هېواد نامه روښانه كړې۔ صدر مملکت په پاکستان كښې د نورو لوبو په خاص توګه سنګلز ته د ودې وركولو په ضرورت زور رواړولو سره ووئيل د لوبغاړو ماشومانو ته سكالرشپس وركول پكار دي۔ صدر د لوبغاړو خېرښګړې لپاره سندھ حکومت ته د پاکستان اسپورټس بورډ په انډومنټ فنډ كښې د 250 ملين روپو برخه اچولو هم ووئيل ۔ ده ووئيل ارشد نديم ځوانانو ته د خنډانو لرې او په نړيواله كچه د لوبو په مېدان كښې د خپل شناخت جوړولو حوصله وركړې ده٬ هيله ده چې ارشد نديم به په سباون كښې هم د هېواد نامه روښانه كوي۔دغسې اولمپك ګولډ ميډلسټ ارشد نديم په هلالِ امتياز ايوارډ وركولو د صدر مملکت مننه وكړه۔ په دې موقع ده د جيولين تھرو ايونټ د نړيوال رېكارډ ماتولو د عزم څرګندونه وكړه٬ ده د خپلې كورنۍ او د قام د دعاګانو او نېكو هيلو هم مننه وكړه۔ دغسې صدر مملکت د ارشد نديم په كاميابۍ كښې په لارښوونه د کوچ سلمان اقبال بټ د خدمات هم ستائنه وكړه۔
صدر آصف علي زرداري ارشد نديم له د هلالِ امتياز ايوارډ وركړو، د 10 كروړه روپو انعام اعلان
مضمون کا ماخذ : لکی لیپریچون
متعلقہ مضامین
