اسلام آباد 19 اپرېل (اے پي پي) نوې وفاقي كابينې سوګند پورته كړو، د سېنېټ چيئرمېن محمد صادق سنجراني د كابينې څخه سوګند واخستو. د نهې په ورځ د سوګند پورته كولو په دستوره كښې وزيراعظم محمد شهباز شريف، د قومي اسمبلۍ سپيكر راجه پروېز اشرف، سول و پوځي چارواكو، په حكومت كښې شامل د اتحادي ګوندونو مشرانو، سياسي مشرانو او نورو مهمو شخصياتو ګډون وكړو. په نوې وفاقي كابينه كښې مسلم ليګ ﴿ن﴾، پاكستان پيپلز ګوند، جمعيت علما اسلام، اېم كيو اېم او نورو اتحادي ګوندونو ته نمائندګي وركړې شوې. د مسلم ليګ ﴿ن﴾ صدر محمد شهباز شريف د اپرېل په 11مه نېټه د هېواد د نوي وزيراعظم په توګه سوګند پورته كړے و. د دې څخه وړاندې قومي اسمبلۍ محمد شهباز شريف د 174 رايو د لارې د پاكستان د 23م وزيراعظم په توګه ټاكلے و.
مضمون کا ماخذ : پاکستان لاٹری ٹکٹ
