اسلام آباد 02 ستمبر (اے پي پي) وزیراعظم محمد شهباز شریف وئيلي دي د ترکیې د اړخه د سیلاب ځپليو په وخت مرستې ته د قدر په سترګه ګورو،دا اقدام د دواړه هېوادونو ترمينځه د نزدې ملګرتيا څرګندونه ده، سیلاب او بارانونو له امله چې څومره تباهي شوې دومره ما په ژوند كښې نه وه ليدلي،د ملګرو هېوادونو په مرسته به د دې مقابله كوو۔د جمعې په ورځ وزیراعظم د سيلاب ځپليو سره د يووالي څرګندونې لپاره د تركيې څخه راغلې پلاوي سره خبرو كښې په وخت مرسته كولو مننه وكړه۔په دې موقع د ترکیې پلاوي آفت ځپلي پاكستان سره د اودريدو د عزم پخلے وكړو۔ وزیراعظم محمد شهباز شریف سره د ترکیې د كورنيو چارو وزير سلیمان سوئیلو په مشرۍ كښې د تركيې پلاوي ليدلي چې پكښې د پاکستان سیلاب ځپليو سره د تركيې حکومت او اولس تعزیت او د يووالي جذبات څرګندونه وشوه۔سلیمان سوئیلو د هېواد ټولو برخو او په خاص توګه بلوچستان، سندھ، خېبر پښتونخوا او جنوبی پنجاب كښې طوفانی بارانونو او سيلاب ځپلي اولس د ریسکیو او ریلیف او د تباہ شوي انفراسټرکچر بحالۍ لپاره د وزیراعظم شهباز شریف په مشرۍ كښې د حکومت د كاروائيو ستائنه وكړه۔ده په خاص توګه بے نظیر انکم سپورټ پروگرام ترمخه ځپلې شوې كورنۍ له 25000 روپۍ د هنګامي مرستې په توګه د وركولو حکومتي اقدام وستائلو۔ ده د دې نغدو روپو منتقل كولو پروګرام په مستقل بنیادونو چلولو لپاره د مرستي تجويز هم وركړو دغسې چې د سیلاب ځپليو زياته مرسته وكړې شي او د سیلاب نه پس په سماجی كچه متوقع زيان څخه خلق وساتلے شي۔ سلیمان سوئیلو د ترکيې حكومت او اولس د اړخه د پاکستان مرستي او بحالۍ له د مالی مرستې كولو لبهر د خپل كلك عزم څرګندونه وكړه۔ وزیراعظم شهباز شریف د دې لوي قدرتی آفت په وخت كښې د پاكستان اولس لپاره د همدردۍ جذبات او په حمایت د تركيې قيادت او اولس مننه كولو سره ووئيل تركيې سره پخوانۍ اړيكې لرو، تركيه زمونږ ملګرے او ورور هېواد دے۔په 27 اګست د ترکیې صدر رجب طیب اردوان ما سره ټيلي فوني تماس كښې د سيلاب له امله په شوې مالي او ځاني زيان تعزیت او د همدردۍ څرګندونه كړې او د بشپړه مرستې باور ئې راكړے ۔مونږ د تركيې د اولس مننه كوو چا چې عمر له په هر سخت وخت كښې د پاكستان مرسته كړي۔ده ووئېل د ترکیې کاروباری طبقه او نورو ادارو د اړخه هم د مرستي سامان ترلاسه شوے ۔په وخت مرسته كولو د تركيې مننه كوو۔ د ترکيې صدر سره ټیلیفوني تماس نه پس د مرستي سامان رالېږل پيل شوے ۔ د 2 ټرینونو د لارې هم سامان راځي۔ وزیراعظم ووئيل څلورو واړو صوبو ،ګلګت بلتستان او آزاد کشمیر كښې طوفانی بارانونو او سيلاب نه پس سيمې ځپلې شوي۔ده د پلاوي پاكستان ته په راتللو مننه كولو سره ووئيل دا يو ښه پيغام دے۔ د پاکستان اولس د خیر سګالۍ دا جذبه ستائي۔
د ترکیې د اړخه د سیلاب ځپليو په وخت مرستې ته د قدر په سترګه ګورو،دا اقدام د دواړه هېوادونو ترمينځه د نزدې ملګرتيا څرګندونه ده۔وزیراعظم محمد شهباز شریف
مضمون کا ماخذ : لاٹری ٹکٹ خریدیں
متعلقہ مضامین
