اسلام آباد 01 جون (اے پي پي) داخله وزارت د اسلام آباد پوليس او فرنټيئر کانسټيبلري تنخا، الاٶنسز او د شهيدانو پېکيج د پنجاب او خېبر پښتونخوا مساوي كولو او اسلام آباد كښې د جرمونو مخنيوي لپاره كېمرو كورېج سل فيصده كولو پرېكړه شوې ده او داخله وزير رانا ثناء الله وئيلي دي چې فسادي مارچ ته به په هېڅ صورت كښې اسلام آباد ته داخلېدو ته پرې نه ږدو او د شرخوښو او قانون په لاس كښې اخستونكو سره به سختي كولې شي۔ د داخله وزارت لخوا د شورو په ورځ د جاري بيان له مخې د داخله وزير رانا ثناء الله په مشرۍ كښې د اسلام آباد پوليس او فرنټيئر کانسټيبلري د آپرېشنل استعداد کار زياتولو پحقله غونډه شوې چې پكښې داخله سېكتر يوسف نسيم کھوکھرنه علاوه د فرنټيئر کانسټيبلري کمانډنټ صلاح الدين محسود، د اسلام آباد پوليس آئي جي ډاکټر اکبر ناصر، د اسلام آباد چيف کمشنر عامر احمد علي او نورو چارواكو ګډون وكړو۔ په غونډه كښې امن او امان لپاره د اسلام آباد پوليس او د فرنټيئر کانسټيبلري نور مالي ، تکنيکي وسائل او د ليګل سپورټ وركولو پرېكړه شوې۔ په غونډه كښې د اسلام آباد پوليس تنخا او الاٶنسز د پنجاب پوليس مساوي كولو هم پرېكړه شوې٬ د دې نه علاوه اسلام آباد پوليس د شهيدانو پېکيج يو ارب روپۍ بقاياجات په سمدستي توګه ادا كول٬ فرنټيئر کانسټيبلري تنخاګانے، الاٶنسز او د شهيدانو پېکيج د خېبر پښتونخوا پوليس مساوي كولو او فرنټيئر کانسټيبلري د پوليس معاونت لپاره د اېنټي رياټ فورس په توګه د استعمالولو او په دې لړ كښې د فرنټيئر کانسټيبلري ضروري تربيه كولو هم پرېكړه شوې ۔ په غونډه كښې دا پرېكړه هم وشوه چې د اسلام آباد فول پروف امنيت لپاره به د لاهور په طرز اسلام آباد كښې سېف سټي لا جديد كولې شي او امن باوري كولو او د سټريټ كرائم خاتمې لپاره به د كېمرو كورېج سل فيصده كولې شي۔ په غونډه كښې دپېنډي او اسلام آباد پوليس او انتظاميې ترمېنځه د کوآرډينېشن مېکېنزم جوړولو هم پرېكړه شوې۔ په دې موقع وفاقي وزير رانا ثناء الله خپلې وېنا كښې ووئيل فسادي مارچ ته به په هېڅ صورت كښې اسلام آباد ته داخلېدو ته پرې نه ږدو او د شرخوښو او قانون په لاس كښې اخستونكو سره به سختي كولې شي۔ په دې موقع وفاقيو زير د اسلام آباد پوليس آئي جي ته امر وكړو چې د اسلام آباد په خاص توګه د رېډ زون امنيت دې لا ټېنګ كړې شي۔ ده د شهيدانو كورنيو او د ژوبل شويو اهلكارو د ښه پالنې هم امر وكړو
د اسلام آباد پوليس او فرنټيئر کانسټيبلري تنخا، الاٶنسز او د شهيدانو پېکيج د پنجاب او خېبر پښتونخوا مساوي كولو پرېكړه
مضمون کا ماخذ : علاقائی کلیدی الفاظ
متعلقہ مضامین
