اسلام آباد 12 اګست (اے پي پي) صدر ډاكټر عارف علوي وئيلي دي تعليم سره سره متعلقه او مروجه فنون زده كول ډېر ضروري دي، د تعليم او وظيفه اي تربيې وزارت د بېلا بېلو هنرونو په وده كښې مهم كردار ترسره كوي، د تعليم يو ډول نصاب په لړ كښې هم وزارت مهم كردار ترسره كړے، د بدلېدونكو تقاضو له مخې د روزګار لټون او د دې روزګار له مخې ځوانان تيارول مونږ لپاره ډېر اهميت لري. ده دا خبرې د زيارت په ورځ د ځوانانو نړيوالې ورځې په موقع د كامياب جوان پروګرام له مخې د لوړو زده كړو په كميشن كښې د لوبو او هم نصابي چارو په اړه د خاص ډويژن جوړېدو پرانستې دستورې ته د خاص مېلمه په توګه وكړې. صدر ووئيل تعليم سره سره متعلقه او مروجه فنون زده كول ډېرضروري دي او د دې ټولنې ته ګټه رسي. ده ووئيل د تعليم او وظيفه اي تربيې وزارت د بېلا بېلو هنرونو په وده كښې مهم كردار ترسره كوي، د تعليم يو ډول نصاب په لړ كښې هم وزارت مهم كردار ترسره كړے، يو ډول نصاب نه يوازې د پي ټي آئي بلكې د نورو ګوندونو نعره هم وه او اوسني حكومت دې نعرې ته عملي شكل وركړے. صدر ووئيل د كامياب جوان پروګرام په اړه د عثمان ډار هڅې د ستائنې وړ دي. په سكولونو، كالجونو او تعليمي ادارو كښې د لوبو او هم نصابي چارو وده ضروري ده. صدر د كيريئر كونسلنګ په ضرورت هم زور راوړو او وې وئيل د بدلېدونكو تقاضو له مخې د روزګار لټون او د دغې روزګار له مخې ځوانان رامخې ته كول مونږ لپاره ډېر اهميت لري. صدر ووئيل اوسنے حكومت ځوانانو ته د وړاندې تللو موقعې وركوي. ده ووئيل ګلګت بلتستان ته د 20 لكه نه زيات سېلګري روان دي، هلته آبادي لږه ده، په ګلګت كښې د سېلګرې په اړه د بېلا بېلو هنرونو ورښودلو ضرورت دے. دې سره به د سېلګرې څانګه لا وده وكړي او ځائي خلق به د روزګار موقعې ولري. صدر احساس پروګرام پېل كولو لپاره د حكومت هڅې وستائيلې او وې وئيل حكومت دا پروګرام د ټولنې په معاشي توګه كمزورې او غريبې طبقې لپاره پېل كړے. د د ستورې په موقع د اېچ اي سي اېګزېكټو ډائرېكټر شائسته سهېل ګډون كوونكو ته د نوي ډويژن او د دې له مخې د پنځو بېلا بېلو پروګرامونو په اړه بريفنګ وركړ
