اسلام آباد 24 جون (اے پي پي) صدر ډاكټر عارف علوي مېرمنو ته د سفارتكارۍ په توګه د كېريئر منتخب كولو ترغيب وركولو په حاجت زور رواړولو سره وئيلي دي سفارتكارۍ كښې د مېرمنو ګډون به تل پاتې پرمختګ٬ امن او جمهوريت لپاره مرستياله وګرځي٬ مېرمنو له د سفارتكارۍ د لوړې كچې فېصله كوونكو چوكو ته رسولو لپاره دې سازګار حالات راپېدا كړے شي ۔ د ايوان صدر پرېس ونګ له مخئ د دې خيالاتو څرګندونه ده د جمعې په ورځ په سفارتكارۍ كښې د مېرمنو د نړيوالې ورځ په موقع خپل پېغام كښې كړې۔ صدر مملكت ووئيل نن مونږ د سفارت كارۍ په ټولو برخو كښې د مېرمنو د بشپړ او يو برابر ګډون د ودې لوظ كوٶ٬ ده ووئېل ګرده نړۍ كښې د مېرمنو سفارتكارو شمېره كښې زياتوالے د ډاډ وړ خبره ده، د مېرمنو سفارتكارو شرح په كال 2018 كښې د 16 فيصد نه په زياتېدو په كال 2022 كښې نزدې 22 فيصد ته راغلې ده۔ ده ووئيل د پاكستان مېرمنې سفارتكارې د خارجه وزارت نه د خارجه سېكرټري او بهر هېوادونو كښې تر سفير په چوكو كار كړے۔ صدر مملكت ووئيل په سفارتكارۍ كښې د مېرمنو د وړومبنۍ نړېوالې ورځې په موقع د مېرمنو د كاميابو او خدمات اعتراف كوٶ، ښه ماحول وركولو سره به مونږ په سفارتكارۍ كښې د مېرمنو ګډون او نمائندګي لا زياتولو كښې كاميابي تر لاسه كړو۔ ډاكټر عارف علوي په دې موقع ووئيل مونږ د سفارتكارۍ په هر كچه د مېرمنو د بشپړ او يو برابر ګډون ودې لپاره لوظ كوٶ، ده ووئېل ګرده نړۍ كښې د مېرمنو سفيرانو شمېره زياتېږي كومه چې د ډاډ وړ خبره ده، مېرمنو ته ډپلومېسي د كېريئر په توګته د منتخب كولو ترغيب وركولو ته اړتيا ده او بايد په سروس كښې د شاملېدو نه پس د لويو پرېكړو كوونكو چوكو ته رسېدو كښې مرستې لپاره د عمل وړ حالات راپېدا كړے شي۔ صدر مملكت دا باور څرګند كړو چې سمه ډاډګيرنه او سازګار ماحول وركولو سره به مونږ په سفارتكارۍ كښې د مېرمنو ګډون او نمائندګي لا ښه كولو كښې كامياب شو
سفارتكارۍ كښې د مېرمنو ګډون به تل پاتې پرمختګ٬ امن او جمهوريت لپاره مرستياله وګرځي٬ مېرمنو له د سفارتكارۍ د لوړې كچې فېصله كوونكو چوكو ته رسولو لپاره دې سازګار حالات راپېدا كړے شي۔ د صدر ډاكټر عارف علوي پېغام
مضمون کا ماخذ : لاٹری کے لائیو نتائج
متعلقہ مضامین
