اسلام آباد 01 اكتوبر (اے پي پي) په افغانستان كښې د خپلې ماتې او په كابل د طالبانو ناڅاپي قبضې كومې چې نړۍ او په خاص توګه امريكا او هند حېران كړي دي، نه پس د امريكې په مشرې كښې لوېديځ بلاك په دې منطقه كښې د خپل پوزيشن مستحكم كولو هڅې كوي. د كشمير مېډيا سروس لخوا د خالي په ورځ په جاري شوي رپورټ كښې وئيلي شوي دي چې امريكې په افغانستان كښې د طالبانو د فتح نه پس د منطقې په اړه د خپلې بدلې شوې پاليسې واضحې اشارې وركړې دي. په رپورټ كښې وئيلي شوي دي چې اسيا بحرالكاهل به په بنيادي توګه اوس د امريكې د پام نوے مركز وي. په رپورټ كښې وئيلي شوي دي چې د اسټراليا، برتانيې او امريكې ترمېنځه د پوځي لوظنامې تشكيل په اسيا پېسېفك كښې نوي كليدي لوبغاړي رامخې ته كوي او دې لوظنامې په څرګنده د لوېديځ بلاك د اتحاديانو ترمېنځه لويه خلا پېدا كړې ده. په رپورټ كښې وئيلي شوي دي چې د دې دفاعي لوظنامې تشكيل د افغانستان څخه د امريكې د وتلو نه په يوه مياشت كښې دننه شوے او د دې مقصد د چين په ضد په انډوپېسفېك كښې د امريكې اتحاد قوي كول دي. په رپورټ كښې وئيلي شوي دي چې د اسټراليا، برتانيې او امريكې نوې سېكورټي لوظنامې په آسيان هېوادونو كښې لوئې اندېښنې پېدا كړې دي. په دې لړ كښې په رپورټ كښې د مالېزيا د دفاع وزير هشام الدين حسېن او د اسټراليا د دفاع وزير پېټرډټن ترمېنځه د ټيليفوني خبرو حواله وركړې شوې ده چې پكښې د مالېزيا د دفاع وزير په دې خبره ټينګار كړے و چې دې لوظنامې سره به په منطقه كښې په امن او استحكام او په خاص توګه بحيره جنوبي چين كښې په ممكنه توګه خلل راشي. په رپورټ كښې وئيلي شوي دي چې يو شمېر نورو هېوادونو هم د لوظنامې په تشكيل خپلې اندېښنې ښودلې دي او د اسټراليا څخه ئې غوښتنه كړې ده چې هغه دې پاور ګېم او د اتومي وسلې د ودې هڅې ترك كړي. له بلې خوا چين وئيلي دي چې د دې درې اړخيزه اتحاد كوم سباٶن نشته او دا به سيمه ايز استحكام ته سخت زيان ورسوي.
د منطقې د ګڼ شمېر هېوادونو لخوا د امريكې، برتانيې او اسټراليا پشمول د نوي اتحاد په جوړولو د اندېښنې څرګندونه، د اسټراليا څخه د پاور ګېم او اتومي وسلو د ودې ترك كولو غوښتنه
مضمون کا ماخذ : پرامڈ ادا کرتا ہے۔