اسلام آباد 12اپرېل(اے پی پی)وزيراعظم محمد شهباز شريف سره پاكستان كښې د عوامي جمهوريه چين ناظم الامور پھینګ چْنګزو د نهې په ورځ په وزيراعظم هاؤس كښې د خېرسګالۍ ملاقات كړے۔ پھینګ چْنګزو ده ته د وزيراعظم په چوكۍ سنبهالولو د چين حكومت او مشرتابه لخوا مباركي وركړه او د نيكو هيلو پېغام يې ورورسولو۔د چين ناظم الامور په دې خبره زور راوړو چې چين وزيراعظم شهباز شريف ته د يو مضبوط او پوخ عزم لرونكي دوست په توګه ګوري د چا چې په چين كښې بې شمېره احترام او ستائنه كېږي۔ده د تېر حكومت په مهال د پنجاب وزيراعلٰی په توګه د چين پاكستان اقتصادي راهدارۍ(سي پېك)ودې لپاره د وزيراعظم هڅو ته هم د عقيدت پیرزوئنې وړاندې كړې او د چين مشرتابه لپاره د ښې جذبې په څرګندونه ئې د وزيراعظم د چين د ګڼو دورو حواله وركړه د كومو په مهال چې د هغه د صدر شي جن پنګ سره ملاقات شوے ؤ او صدر شي د پاكستان سره اړيكو ته وده وركولو كښې ذاتي خوښي اخستې۔وزيراعظم د صدر شي جن پنګ د بيلټ اينډ روډ اقدام فليګ شپ منصوبې سي پېك روان پېشرفت او د پاكستان معاشي پرمختګ او څوكالۍ لپاره د هغې اهميت وستائېلو۔ده د سي پېك اعلٰی معيار او د پرمختيائي پروژو عملدرآمد تندولو او هغه د چين پاكستان ملګرتيا علامت ګرځولو له د خپل حكومت د عزم پخلے وكړو۔ده د صنعتونو جوړولو٬زراعت او ډيجيټل ټېكنالوجي په څانګو كښې د چين د اړخه سرمايه كارۍ زياتولو په اهميت زور راوړو۔د پنجاب وزيراعلٰی په حېث چين سره د نزدې مرستې حواله وركولو سره وزيراعظم د پاكستان او چين ترمينځه ستراتېژېكي كوآپريټو پارټنرشپ د پاكستان د خارجه پالسۍ بنيادي ستن او سيمه ايز امن او استحكام له مهم عنصر وګرځولو۔دغسې وزيراعظم د دواړو هېوادونو په ګټه دوه اړخيزه معاشي كوآپريټو پارټنرشپ لا قوي كولو له د خپل حكومت د عزم پخلے وكړو
وزيراعظم محمد شهباز شريف سره د چين ناظم الامور ملاقات٬د چين حكومت او مشرتابه لخوا د مباركۍ پېغام
مضمون کا ماخذ : لاٹری جیتنے کی چانسز
متعلقہ مضامین
