پینډي 18 مئي (اے پي پي)د پاك پوځ سرلښكر جنرل قمر جاوېد باجوه وئېلي دي زمونږ شهيدان او غازيان زمونږ اصل اتلان دي ٬ كوم قامونه چې خپل اتلان هېروي هغه هغه وركېږي٬مونږ به د شهيدانو د كورنيو خيال ساتو د چا د قربانو په سبب چې نن پاكستان محفوظ دے۔د شورو په ورځ جي اېچ كيو كښې د شهيدانو او غازيانو دستورې ته په خطاب كښې ده ووئيل نن يو ځل بيا په مورني هېواد قربان شويو د خپلو مېړنو ځوانانو د قربانو اعتراف لپاره او هغوي ته د عقيدت پیرزوئنې وړاندې كولو له راغونډ شوي يو ۔ده ووئيل د نن پاكستان چې محفوظ دے چرته چې مونږ د شپې په قلاره اوده كېږو دا د دې افسرانو ٬ جي سي اوز او ځوانانو د وينې په قربانۍ ممكن شوے۔ده ووئيل زه دا عمر له وائيم چې زمونږ اصل اتلان زمونږ شهيدان دي٬زمونږ غازيان دي او كوم قامونه چې خپل شهيدان يا اتلان هېروي هغه وركېږي۔ده ووئيل تر څو چې دا نړۍ ودانه وي د شهيد نوم به ځلېږي۔هغه په نړۍ كښې هم خپل نوم وګټلو او په آخرت كښې ئې هم ځانله ځاے جوړ كړو لكه څنګه چې فرمائېلې شوي د شهيد د وينې څاڅكي بهېدو نه وړاندې هغه بخښلے كېږي او نه يوازې خپل ځان بخښي بلكې د خپلې كورنۍ لپاره هم د جنت لارې پرانځي۔آرمي چيف ووئيل هېڅ يو قام او هېواد د خپلو شهيدانو د قربانو صله نشي وركولې ٬ نه كوم مالي قوت٬دولت او پيسه د هغې بدله كېدې شي٬زمونږ ذمه واري ده چې د شهيدانو د كورنيو خيال وساتو او انشاﺀ الله ساتو به۔ده ووئيل زه دا منم چې كومه هم څارنه يا مراعات د شهادت بدله نشي ګرځېدې٬ يوه مور يا پلار تر څو چې هغه په دنيا كښې ژوندي وي خپل زوې به ورته هره ورځ وريادېږي٬يوه كنډه د چا خاوند چې د دې دنيا نه لاړو او هغه ماشومان د چا د سر نه چې د پلار لاس پورته شو ٬ دوي به هم د هغه كمے ضرور محسوسوي او د دغې كومه بدله ممكن نه ده ۔ده ووئيل دا هېواد ستاسو خلقو په قربانو قائم دے او زه تاسو ته سلام كوم۔سرلښكر ووئيل ستاسو په قربانو نن پاكستان محفوظ دے٬ دا پوځ دے چې هر وخت په هر ځاے او په هر آزمېښت هغه كه سېلاب وي٬طوفان٬زلزله يا د كووېډ وبا ستاسو سره ولاړ يوي ٬ چې كومه هم پېښه رامخې ته شي پوځ د امدادي كارونو لپاره د كومې وينا نه بغېر هلته رسېږي۔ده ووئيل په دې ورځو كښې د بلوچستان په ګڼو سيمو كښې د هيضې وبا راغلې ٬ هلته د اوبو كمے دے٬پوځ هلته تللے او د خلقو خذمت كوي۔پاكې اوبه وركوي او مونږ په دې خذمت وياړ لرو۔ده ووئيل زه د شهيدانو كورنيو له باور وركوم چې تاسو به كله هم مايوسه نه كړو۔نړۍ زما نه پوښتنه كوي چې دا يو پوځ دے چا چې د ترهه ګرۍ خاتمه كړې٬د دې څه سبب دے او پاكستان داسې كومه خوبي لري٬زه ورته عمر له وائيم مونږ داسې ميندې٬خوئيندې او ماشومان لرو څوك چې خپل بچي٬خاوندان او پلاران په هېواد قربانولو له هر وخت چمتو وي او تر څو چې داسې ميندې او زمونږ خوئيندې موجود وي نو زه په دې كښې هېڅ شك نه لرم چې پاكستان ته څوك زيان نشي رسولے
زمونږ شهيدان او غازيان زمونږ اصل اتلان دي٬مونږ به د شهيدانو د كورنيو خيال ساتو۔جنرل قمر جاوېد باجوه
مضمون کا ماخذ : کوئٹہ لاٹری
متعلقہ مضامین
